Meiri tækni á morgunnámskeiði

Líkt og í fyrra verður boðið upp á þriggja vikna morgunnámskeið í knattspyrnu fyrir leikmenn 5. og 4. flokks, drengja og stúlkna hjá KR í vetur. Æft verður tvo morgna í viku og skráning á námskeiðið er hafin. Námskeiðið hefst mánudaginn 21. nóvember. Verð er 7.000 kr. og innifalið eru sex æfingar og morgunmatur.

 

Markmið
Með þátttöku á námskeiðinu gefst leikmönnum kostur á því að bæta við sig þjálfun í mikilvægustu þáttum knattspyrnunnar utan hefðbundins æfingatíma. Fjöldi íslenskra og erlendra afreksmanna í íþróttum hafa talað opinberlega um mikilvægi aukaæfinga til að ná langt í íþróttum.

 

Æfingar áður en skóli hefst
Æfingarnar fara fram fyrir skóla, hefjast kl. 6:40 og ljúka kl. 7:40. Eftir æfingu fá þátttakendur hollan og næringarríkan morgunmat áður en þeir fara í skólann. Æfingarnar fara fram í A-sal KR heimilisins og þurfa þátttakendur því að hafa með sér skó sem hægt er að nota innanhúss. Aðgangur er að klefum og sturtum.

 

Áhersla á tækni
Á æfingunum verður lögð áhersla á sendingar, móttökur, boltameðferð, snúninga, skottækni og hlaupatækni. Að auki verður rætt um mikilvægi þess að borða og hvílast vel og rétt.

 

Þjálfarar
Þjálfarar á námskeiðinu verða þeir Björgvin Karl Gunnarsson, Halldór Árnason og Hjörvar Ólafsson. Auk þeirra munu leikmenn meistaraflokka félagsins koma að þjálfun á námskeiðinu. Á hverri æfingu verður þátttakendum skipt í hópa með það að leiðarljósi að allir fái þjálfun við sitt hæfi og að hver þjálfari sé ávallt að vinna með fáa leikmenn í einu.

 

Skráning
Skráning fer fram með því að greiða inn á neðangreindan reikning og senda kvittun á netfangið [e-mail]. Nauðsynlegt er að láta fylgja með greiðslukvittuninni nafn og  kennitölu iðkanda. Einnig nafn og netfang forráðamanns, ásamt símanúmeri.

 

Skráningu lýkur 18. nóvember og í kjölfarið verða nánari upplýsingar sendar á þátttakendur.

 

Reikningur 0311-13-000476
Kt. 160584-2389

 

Nánari upplýsingar veita þjálfarar

 

Björgvin Karl Gunnarsson	Halldór Árnason	Hjörvar Ólafsson
[e-mail]	[e-mail]	[e-mail]
869-3583	869-9433	895-8811

 

 

„Það hefur oft verið sagt að það sé ekki æfingin sem skapi meistarann heldur aukaæfingin. Ég, þið og meira að segja Messi höfum öll eitthvað til þess að bæta og það gerum við aðeins með því að æfa oftar og betur.“

 

                                                                                                                                -Skúli Jón Friðgeirsson

Athugasemdir

[Örlygur Ómarsson (IP-tala skráð) 15.11.2011 kl. 14:40]

Örlygur kemur ekki á æfingu í dag - hann er að fara í afmæli.

[Örlygur Ómarsson (IP-tala skráð) 18.11.2011 kl. 21:09]

Komst ekki í dag föstudag var aftur í afmæli.

[Örlygur Ómarsson (IP-tala skráð) 22.11.2011 kl. 14:57]

kemst ekki á æfingu í dag,fimmtudag,föstudag og laugardag er að fara til tannlæknis og er líka að fara til Þýskalands.