Nýtt tímabil - Nýir þjálfarar.

Kæru foreldrar og leikmenn.

Núna er nýtt tímabil komið á fullt skrið og æfingar komnar vel af stað.

Mig langar að byrja á að kynna mig aðeins til leiks fyrir þá sem þekkja mig ekki. Haukur Már Hjartarson heiti ég og verð að þjálfa 5. flokkinn í vetur. Ég hef áður starfað sem þjálfari hjá Breiðablik, með 6. 4. og 3. flokk karla og hjá FH með 6. og 8. flokk karla. Ég er útskrifaður iþróttafræðingur frá Haskólanum í Reykjavik árið 2011. Einnig er ég starfandi íþrótta og sundkennari hjá Grandaskóli.

Ég á von á að Atli Jónasar komi inn með mér í næstu viku og verðum við tveir að þjálfa 5. flokk karla á þessu tímabili.

Fyrirhugaður er foreldrafundur á næstunni, það er ekki komin endanleg tímasetning á hann og því óska ég eftir að þeir sem hafa verið í foreldraráði á eldra og yngra árinu hafi samband við mig svo hægt verði að boða til fundar.

Vegna vetrarfría í grunnskólum Reykjavíkur ætlum við að taka okkur frí á æfingunni næstkomandi laugardag, 20. október en það verður æfing á morgun, 19. október og svo aftur þriðjudaginn 23. október.

Ég er að fara erlendis dagana 22. október til 25 október en ég á von á því að Atli verði mættur þá.

Netfang flokksins verður áfram óbreyt frá því í fyrra, [e-mail] ef það eru einhverjar fyrirspurnir.

Með bestu kveðju, Haukur Már.

Athugasemdir

[Magnús Daði (IP-tala skráð) 25.10.2012 kl. 16:36]

Ég kemst ekki á æfingar næstu daga vegna þess að ég er tognaður í fæti. :(