Jólafrí - 15. desember til 3. janúar

Sæl kæru foreldrar pg leikmenn.

Núna þegar það fer að styttast í jólin kemur að jólafríi í fótboltanum. Jólafríið í fótboltanum verður frá 15. desember til 3. janúar. Því eru tvær æfingar eftir fyrir jólafrí, á morgun fimmtudag og svo föstudaginn 14. desember. Fyrsta æfing á nýju ári 2013 verður því fimmtudaginn 4. janúar.

Við þjálfararnir eru mjög ánægðir með það sem við höfum séð til strákana núna fyrir jól, sjáum stöðugar framfarir á æfingum og drengirnir búnir að standa sig frábærlega í þeim leikjum sem við höfum spilað. Við hlökkum mikið til þeirra verkefna sem bíða okkar eftir áramót. Við erum búnir að skrá okkur á Njarðvíkurmótið sem verður haldið í Reykjaneshöllinni sunnudaginn 27 jánúar, Reykjavíkurmótið hefst svo í kringum lok febrúar byrjun mars og svo er spurning hvort það sé áhugi að fara á Goðamótið á Akureyri 15-17. febrúar. Þegar búin að fá svar frá nokkrum hvort það sé áhugi fyrir að fara á það mót, því vil ég biðja ykkur foreldra um að senda okkur tölvupóst á netfangið okkar, [e-mail] hvort það sé áhugi hjá ykkur að fara eða ekki.

Að lokum viljum við óska ykkur og fjölskyldum ykkar gleðilegra jóla og hlökkum til að sjá ykkur á nýju ári 2013.

Með jólakveðju, Haukur Már og Atli. 

Athugasemdir

[Orri Snær (IP-tala skráð) 13.12.2012 kl. 16:15]

Kemst ekki á æfingu í dag, þarf að fara í klippingu