Fundargerð frá foreldrafundi 15.október

Hér kemur fundargerðin frá foreldrafundinum síðasta þriðjudag. Hún verður einnig send í tölvupósti um helgina, við erum að uppfæra netfangalistann.

1. Foreldraráð

Rósa kom og kynnti nýskipað foreldra- og unglingaráð. Knattspyrnudeildin tók ákvörðun í haust um stofnun þessa ráðs og fékk í lið með sér fulltrúa foreldra úr hverjum flokki fyrir sig. Ráðinu er skipt í yngri og eldri flokka starf og eru fulltrúar yngri flokka (5, 6, og 7 flokks) þrír. Rósa fór yfir helstu markmið og áherslur ráðsins og hvatti foreldra til að nýta sér þennan nýja vettvang ef einhverju þarf að koma áleiðis hvort sem það snýr að þjálfun, skipulagi, samskiptum eða öðru. Það má kynna sér betur markmið ráðsins á heimasíðu KR, undir fréttum. Þar má einnig finna nöfn og upplýsingar um fulltrúa í ráðinu.

2. Yfirþjálfaramál

Þorlákur Björnsson kom fyrir hönd Rúnars Kristinssonar og ræddi um yfirþjálfaramál en til stóð að ráða yfirþjálfara yfir yngri flokka starfinu. Yfirþjálfari hefur verið ráðinn hjá yngri flokkum stúlkna en ákveðið var að fara örlítið aðra leið hjá drengjum. Í stað þess að ráða einn þjálfara munu þrír menn skipta á milli sín þessu yfirþjálfarahlutverki. Það eru Rúnar þjálfari meistaraflokks KR, Pétur Pétursson og Stefán íþróttafulltrúi KR. Þar sem þessir menn eru nokkuð vel bókaðir hefur einnig verið tekin ákvörðun um það að fá meistaradeildarleikmenn til þess að mæta á æfingar hjá yngri flokkum og fylgjast með því starfi sem þar er unnið. Reynslan verður svo að sýna hvernig þetta fyrirkomulag hentar og virkar. Ánægja var með þessa hugmynd, enda meistaradeildarleikmenn fyrirmyndir drengjanna.

3. Þjálfun

Þjálfararnir þeir Páll og Hjörvar kynntu sig og fóru yfir sinn feril. Báðir hafa þeir langa reynslu af fótboltaþjálfun, Hjörvar hjá KR og Páll hjá bæði KA og Stjörnunni. Þeir fóru yfir metnaðarfull þjálfunarmarkmið og skipulag æfinga,  hlutverk bæði leikmanna (drengjanna), foreldra og þjálfara. Haldið verður námskeið/fyrirlestur um næringarfræði og sálfræði íþrótta (nánar auglýst síðar). Námskeiðið verður ætlað bæði foreldrum og drengjunum sjálfum. 

Páll þjálfari kvaðst vilja halda flokknum sem einni heild þ.e. ekki gera greinarmun eftir aldri heldur einungis getu. Það er erfitt núna þar sem þeir æfa ekki saman nema einu sinni í viku. Það hins vegar er verið að skoða hvort hægt verði að sameina fleiri æfingar. Skilyrði er þá að aðstoðarþjálfarar verði til staðar til að aðstoða við æfingar.

Allar tilkynningar hvort sem þær koma frá fulltrúum foreldra eða þjálfurum koma frá sama netfanginu það er [e-mail] þangað er einnig hægt að koma ábendingum. Tilkynningar verða einnig settar á bloggsíðu flokksins 5flokkurkr.blog.is. Lögð var áhersla á að allar tilkynningar er vörðuðu flokkinn kæmu frá einu netfangi.

4. Mót

Þau mót sem öruggt er að 5 flokkur muni taka þátt í eru

·         Reykjavíkurmót sem hefst um mánaðarmótin febrúar/mars einn leikur í hverri viku

·         N1 mót á Akureyri mánaðarmótin júní/júlí

·         Íslandsmót spilað einn leikur í einu c.a. einu sinni í viku

Fleiri stór mót sem eru í boði fyrir 5 flokk eru;

·         Goðamót Akureyri (febrúar. Var 17-19 feb sl. vetur)

·         Olísmót Selfossi (ágúst)

Umræða var um það á fundinum að nóg væri að fara á annað hvort þessara móta. Það þarf hins vegar að taka ákvörðun um hvort KR ætlar að senda lið á Goðamót núna í byrjun nóvember svo sérstakur skráningarpóstur (kanna þátttöku) verður sendur á foreldra. Foreldrar lýstu yfir ánægju með Goðamót og eins var mikil ánægja með Olísmót hjá þeim sem hafa farið á það mót.

5. Fulltrúar foreldra

Ákveðið var að þar sem flokkurinn verður ekki aldurskiptur væri óþarfi að hafa sérsakan fulltrúa fyrir hvort ár. Fulltrúar foreldra sjá um að skipuleggja og halda utan um t.d. fjáröflun, fatnað og annað sem við kemur skipulagningu og undirbúning móta í samráði þá við þjálfara flokksins. Dórabauðst til að vera áfram ásamt Hrefnu og Lovísu. Foreldrar eru hvattir  til að senda línu ef þeir hafa áhuga á að starfa með okkur sem fulltrúar foreldra.

6. Fatnaður

Rætt var um fatnað. Hingað til hafa verið keypt flísföt og regngallar frá 66 norður. KR leggur áherslu á að allir flokkar klæðist fatnaði frá NIKE, æfingaagalli sem hingað til hefur verið keyptur í Jóa útherja er merktur NIKE. Hjá eldri flokkum hefur t.d. verið fengið tilboð frá NIKE í allan æfingagallan. Foreldrar lögðu áherslu á að þetta yrði samræmt hjá öllum yngri flokkum. Ákveðið var að Foreldraráð færi í þessa vinnu þ.e. að fá tilboð í fatnað á alla yngri flokkana. Þjálfarar vilja leggja áherslu á að strákarnir mæti í KR fatnaði á æfingar fyrir heildina en keppnistreyjur séu notaðar í leikjum, svo það verði sérstakt að klæðast þeim í leikjum og á mótum.

7. Fjáröflun

Rætt var um fjáröflun og ýmsar hugmyndir ræddar. Mótin eru dýr og ef 5 flokkur ætlar á öll þessi stóru mót er ljóst að allir verða að vera duglegir að safna. Dóra fór yfir fyrirkomulag Búllumóts sem 6.flokkur KR hélt síðastliðinn vetur. Mikil ánægja var með mótið bæði hjá foreldrum gesta og foreldrum KR og ekki síst drengjunum sjálfum. Góð og einföld fjáröflun. Gott fyrir KR að hafa fastan punkt í yngri flokka starfinu. Ákv. var að halda annað Búllumót í vetur þá í samvinnu við 6.flokk. Ákv. verður ein helgi á vorönn þar sem 6.flokkur spilar annan daginn og 5.flokkur hinn daginn. Rætt var um að hafa dósasöfnun jafnvel nokkrum sinnum. Lítið mál og ekkert mál þegar allir taka sig saman. Ákv. var jafnframt að það yrði fyrsta fjáröflun vetrarins og verður hún auglýst síðar. Allar hugmyndir um fjáröflun eru vel þegnar.

8. Annað

Hugmynd kom um númerakerfi á búningum drengjanna. Finnur lýsti fyrirkomulag þess hjá Val. Þar fær hver drengur nr. í upphafi ferilsins og heldur því nr. Hugmynd sem var vel tekið í og ætla fulltrúar foreldra í samvinnu við KR að skoða þetta fyrirkomulag nánar.

Fleira var ekki rætt og fundi slitið.

Fundargerð ritaði Hrefna Kristín Jónsdóttir

Athugasemdir

[g (IP-tala skráð) 29.10.2013 kl. 19:55]

pö