Myndbönd - æfingar

Hér eftir munu koma reglulega inná síðuna fótboltamyndbönd sem leikmenn eru hvattir til að skoða og spreyta sig á í frítímanum.

Fyrsta myndbandið sem við setjum inn er hreyfing sem er oft kennd við Ferenc Puskás sem lék lengi vel með Real Madrid en hann lék auk þess með landsliðum bæði Ungverja og Spánverja.

Hreyfingin er nokkuð einföld en mjög árangursrík - sé hún gerð hratt og rétt.
Það sem hreyfingin gengur útá er að draga boltann hratt að sér - með vinstri fæti ef boltinn er hægra megin og með hægri fæti sé boltinn vinstra megin.
Þegar leikmaður hefur dregið boltann að sér spyrnir hann honum aftur út með utanverðum fætinum - hratt og í hina áttina.  Hreyfingin myndar þá að lokum V.

Kíkjum svo á myndband af æfingasvæðinu sem skýrir þetta betur:




Það má svo sjá Puskás sjálfan skora eftir að hafa notað hreyfinguna hér og hér.


Að lokum viljum við minna á grunnatriðin.  Sendingar, móttaka og knattrak eru hlutir sem allir geta æft aukalega - nánast hvar sem er og það eina sem þarf er bolti, veggur og garður, gervigras eða skólalóð.