Jólamót

10.12.2007 | 20:23

Jólamót KRR sem átti að vera 27. desember hefur verið flýtt til 16. desember. Fyrirvarinn er lítill en gott væri að vita hverjir komast þennan dag.Strákarnir fengu blað með sér heim í dag en þar sem ekki allir voru mættir auk þess að blöðin eiga það til að enda á botninum á æfingatöskunni en ekki í höndum foreldra þá ætlum við að senda það hér líka.

Jólamót 2007

Jólamót KRR 2007 verður haldið í Egilshöll sunnudaginn næstkomandi, 16. desember. Mikilvægt er að þeir sem ætla að vera með á mótinu staðfesti það við okkur í síðasta lagi á æfingu á fimmtudaginn – annað hvort með að fylla út þetta blað og skila á æfingu á miðvikudag eða fimmtudag eða með því að senda tölvupóst á 5flokkurkr@gmail.com.

Fyrsti leikurinn fer fram kl. 16:15 og sá síðasti kl. 20:30 – þurfa þeir sem ætla að spila því að taka frá þennan tíma. Enginn mun þó þurfa að vera á staðnum allan tímann heldur má gera ráð fyrir u.þ.b. 2 tímum á lið. Liðin verða svo tilkynnt á fimmtudaginn þegar við vitum hverjir taka þátt og verður þá hægt að sjá leikjaplanið.

Um leið viljum við minna þá sem ekki hafa skilað inn frístundakorti að það er allri síðasti séns á að skila því núna á næstu dögum. Hægt er að ná í Mörthu gjaldkera í síma 510-5314 til að fá nánari upplýsingar um það.

Kveðja,
Þjálfarar

Flokkur: Íþróttir | Breytt s.d. kl. 20:28 | Facebook